Tampilan Wajah yang Kalem dan Berwibawa.
Putra Kelima (Bungsu) Dari NAIMARATA (Guru Tatea Bulan)
Penampakan Fisik:
Bulang-Bulang:
Bulang-bulang hu pe sian tahulup namarsolam sian Debata napinauman ni Damang.
Ai dang sude nampunasa i, Ai huhut mardetar do au 7 hasta marpangalilit di sitaruponhi.
Sitaruponkupe sungon pussuni parbatu
Naboi mangalele jolma, baen martahup itahupna
Marbiar dibiarna molo so hot diuhum dohot patik i.
CAWAN:
Si Tiop Sawan Huaso, Sabolak Anduri,
Si Deak Tao Sohalangean
Si Pangiring-iring nabadia Debata
Pangurason Nasohaliapan, Naso Hapurpuran
Asa unang Haliapan, jala unang hapurpuran.
Si Padirgak Pamatang jolma sipak jonjong,
Sipaneang pamatang baen ummiran.
Sipaulak Hosa Loja, sipalomak imbulu marsik.
Omma pangurason, Namarakkut Utte hau
Sinuan ni si boru Panolaman si Boru Malim
Dembanni raungan namartampuk Debata
Nadomu ganup Urukna, Narara do hodong na.
RAMBAN PUTI
(SELEMPANG KAIN PUTIH)
Tandana Ahu Namarhasaktian
Tandana Ahu Marpusukbuhit
Sada Ramban Torus Naso marhaujungan,
Jala Sorana buruk, Nasilo di ida manisia,
Tarida Bonana Ale manorus Ujungna.
Di Hasundutan do anggo tubutubuanna,
Ai di Habissaran do Borasna.
GADING MAS
Mate Gaja tadingma Gadingna
Mate Raja tadingma Goarna
Opatma Gading di parsambuhuan ni tanganku
Opatma goar nagabe raja marpinompar
Nagabe uluni Tukkothu,
Napatikkoshon simanjojakhu boi habang lojong
Laos ido Mangarerak Tu sandok luat portibion.
SABUK MANOLU
Halak Martali-tali Putar dohot Bonang Manolu
Molo ahu margotdithon Bonang Manolu
Natolu Hasuhuon, Natolu Harajaon.
Jala Hot doi boto-botoanku
Tandani Datu Ni Datu, Datu i Pardatu.
Sipaborhat Akka Datu Bolon, Datu Panurirang,
Datu Si Baso Bolon, Datu Pangatiha,
Datu Pangarata, Datu Parhata Tondi.
Siboto akka raksani Namasa
Namalo Mangatiha, Namalo Mangarata
Namalo Manurirang, Nahot i Panuturion.
Si Bola Pangir
Ai aha musedo si Bola Pangir on
Ninna nadeba mandok hu adaranku.
Roma Ahu mangalusi, Naso jadi tarpakkis,
Akka ulaon nabadia, tarlumobi tu pangurason
Unang ma dibaen gabe si iris bawang,
Napatuk tu ulaon homiton i.
Ganup ugasan, hotma di ugasanna.
Diama Sibola Anggirmu,
Roma Ahu mangalusi,
Suhulna Namaruluhon gading puti
Namargombarhon Pidong Patia Raja.
Namardilahon 4 dakkana dos.
Namarbajuhon Hau Hariara.
Ima tading-tading ni damang, nasahat hu tanganhu
Nagabe Sibola Pangirhu,
Si Bola Pining
Halak Halahati do si Bola Pining na.
Molo Au sian bosi ate-ate do, bosi gea, bosi gulung-gulung.
Rupana songon Sihapur, pangapitna songon patni Silo Nabolon.
Suhulna Sian Parbatu Huta Tinggi,
Imbalonape lohot tangan dang mijur.
Rimpuna sian Baliga Partonungon.
Ai Hu Maenku do On Hu Pasahat,
Asa hot paniaranhu ibana salelengni ngoluni anakhu.
Tombuk Lada
Holan Piso Halasan do najumotjot dihatahon,
Piso Solam napinakkeni jolma Parsolam i tariashon,
Ai Dara piga umboto tombuk ladakku.
Boasa Tombuk Lada di goari i podang i.
Ai sada do matana manorus tigor,
Bonana sabolak ni Lambe Harambir
Ai pussuna nasa lili ijuk menek.
Suhulnape sian Urat Ni Bulu Siturakka,
Baju Sarungna sian hau sarimarnaek,
Golangna sian Hau Haun Dolok
Tudiado Hapehan ni on, jala sadihari do on ipakke.
Roma Ahu Mangalusi akka ulubalanghu inon.
Akka sahit naso boi haubatan,
Taktak naso halingkangan, si ubeon Namaos male
Sihol naso hapuasson, ilu nasai maraburan.
Isipe asa haluar horbo sian barana.
Jala Ramban Narara do baen manggori i,
Laos ido baju-bajuna siadapari on.
Si Bola Tali
Nasasada on hudia do hapeakan ni on.
Nabinoto Parninggala si bola tali,
Parhata Tigor do on, parroha najujur jala adil.
Songon dia do impola ni on, dang istilah on tahe.
Onma timbangan i pomparanku,
Dohot uhum tu si tuan natorop.
Manang naise pe di pomparanku namaniop on
Dongani okku do ibana, jala parmahanonku do on
Saleleng ni lelengna, naikkon tubu do Hariara sundung
Ditongani alaman, Naikkon Tubudo Surung-surung
Tu halak nahuparmahan.
Dua ma miak guri-guri (Seperti Cawan), di siamun, dohot ihambirang.
Nabontar dohot Nabirong, nasian Tuan Itara parsae-sae nahukkus,
Tuan Batara Guru, Batara Guru Hundul, Batara Guru Panungkunon.
Naboi mangarajai dirina dohot naboi pamate rohana do.
Naboi nampunasa on, unang mukkit, jala unang munggal,
Jala sotung Teleng annon namamboatthon UGASAN on.
———
HORAS
Silau Raja.
